👉 पुण्यात महापालिकेच्या नवीन आदेशानुसार प्रतिबंधित क्षेत्र वगळता इतर सर्व दुकाने सुरू राहणार.. - पोलिस कर्तव्य टाईम्स

Breaking

Home Top Ad

#

Post Top Ad

#

Wednesday, June 3, 2020

👉 पुण्यात महापालिकेच्या नवीन आदेशानुसार प्रतिबंधित क्षेत्र वगळता इतर सर्व दुकाने सुरू राहणार..

लॉकडाऊन 5 ला सुरुवात झाल्यानंतर आता विविध टप्प्यांमध्ये नियम बदलून आणखी शिथिलता आणण्यात येत आहे. पुण्यातही बुधवार आजपासून काही नियम बदलले जाणार असून त्यासंबंधीचे नवे आदेश जारी करण्यात आले आहेत. यामध्ये दुकानं कधी आणि कोणत्या भागातील उघडी असतील, तसंच प्रतिबंधित क्षेत्र अशा मुद्द्यांबाबत माहिती देण्यात आली आहे.

नवीन आदेशात 65 ऐवजी 66 प्रतिबंधित क्षेत्र घोषित करण्यात आली आहेत. मात्र असं असलं तरीही अनेक वस्त्या कोरोनामुक्तही झाल्या आहेत. 3 जून अर्थात बुधवारपासून पुण्यात उद्याने पहाटे 5 ते सायंकाळी 7 वाजेपर्यंत सुरू राहणार आहेत. महापालिका नवीन आदेशानुसार प्रतिबंधित क्षेत्र वगळता इतर सर्व दुकाने सुरू राहतील. 8 जूनपासून 10 टक्के मनुष्यबळासह खासगी कार्यालये उघडणार आहेत.

लॉकडाऊन 5 मध्ये पुण्यात नवे आदेश..
▪️ प्रतिबंधित क्षेत्रात अत्यावश्यक सेवा देणारी दुकाने सकाळी 9 ते दुपारी 2 यावेळेत सुरू राहतील.

▪️ पुण्यात हॉटेल,मॉल,सिनेमागृह,मंदिरे बंदच राहणार.

▪️ दुकाने वेळ 9 ते 5 सुरू राहणार.

▪️ तुळशीबाग, हॉंगकॉंग, मंडई लेन पी 1, पी 2 नुसार 5 जून पासून सुरू होणार (समोर समोरच्या रांगेतील).

▪️ बांधकाम व्यवसाय सुरू राहणार.

▪️ पुण्यात सलून, ब्युटी पार्लर बंदच राहणार.

पुण्यात कोरोनाची स्थिती..
▪️ काल दिवसभरात 266 पॉझिटिव्ह रुग्णांची वाढ.

▪️ काल दिवसभरात 169 रुग्णांना डिस्चार्ज.

▪️ पुण्यात सर्वाधिक 25 करोनाबाधीत रुग्णांचा मृत्यू.

▪️ 165 क्रिटिकल रुग्णांवर उपचार सुरू आहेत. त्यात 35 रुग्ण व्हेंटिलेटरवर उपचार घेत आहेत.

▪️ पुण्यात एकूण पॉझिटिव्ह रूग्णसंख्या 6795. (डॉ. नायडू हॉस्पिटल आणि खासगी हॉस्पिटल-6258 आणि ससून 537)

▪️ पुण्यातील ॲक्टिव्ह रुग्ण संख्या - 2331.

▪️ एकूण मृत्यू - 345.

▪️ काल पर्यंतच एकूण डिस्चार्ज - 4119.

▪️ काल केलेल्या नमुन्यांची (स्वॅब) तपासणी- 1543.

Post Bottom Ad

#

Pages